Njarðvíkingar með enn eitt tapið
Njarðvíkingar töpuðu gegn Breiðablik í úrvalsdeild kvenna í körfubolta fyrr í kvöld. Leikurinn endaði 60-75 fyrir Breiðablik. Var leikurinn þar með sjötti ósigur liðs Njarðvíkur í röð.
Stigahæstar í liði Njarðvíkinga voru þær Shalonda R. Winton með 30 stig og 14 fráköst, Hrund Skúladóttir með 15 stig og Ína María Einarsdóttir með 6 stig og 4 fráköst.
