Njarðvíkingar gerðu það gott á vormóti JSÍ

Júdódeild Njarðvíkur tók þátt í vormóti Júdósambands Íslands sem fram fór um helgina. Njarðvíkingar stóðu sig með miklum sóma og unnu til fernra verðlauna á mótinu.

Angela Humada Torres sigraði í -70 kg flokki kvenna og þá var liðsfélagi hennar í Njarðvík, Catarina Chainho Costan, í þriðja sæti í flokknum.

Í +100 kg flokki karla náðu tveir Njarðvíkingar á pall, en þeir Brynjar Kristinn Guðmundsson og Kristófer Smári Leifsson enduðu í 2. og 3. sæti.

Þá má til gamans að geta að Suðurnesjamaðurinn Hermann Unnarsson bar sigur úr býtum í -73 kg flokki karla en Hermann keppir fyrir hönd JR.

Hermann á pallinum.