Njarðvikingar fá toppliðið í heimsókn

Njarðvíkingar taka á móti toppliði Leiknis Fáskrúðsfjarðar í dag í 2. deild karla í knattspyrnu en leikurinn er hluti af 16. umferð Íslandsmótsins.

Njarðvíkingar hafa síðusta einn og hálfan mánuðinn sogast niður í fallbaráttu eftir mjög sterka byrjun á mótinu en mikil marrkaþurrð gekk yfir liðið allan júlí og megnið af júní. Njarðvíingum hefur gengið betur í síðustum tveimur leikjum að finna marknetið og því ástæða til að áæta að liðið geri heiðarlega tilraun til að senda gestina stigalausa heim í dag.

Leiknismenn verða þó mjög erfiðir við að eiga en liðið hefur aðeins tapað einum leik það sem af er sumri. Baráttan er orðin mjög spennandi á báðum endum deildarinnar en Njarðvíkingar sitja sem stendur í 10. sæti deildarinnar, einu stigi frá fallsæti og því til mikils að vinna með sigri á geysisterku Leiknisliði.  

Leikurinn hefst á slaginu 12:00 á Njarðtaksvellinum.