Njarðvíkingar fá kjöt í teiginn

Njarðvíkingar hafa fengið liðstyrk undir körfuna fyrir komandi átök í Domino’s deild karla í körfubolta. Miðherjinn Julian Rajic mun leika með liðinu í vetur en þar er á ferðinni 32 ára 206 cm króatískur leikmaður sem leikið hefur með liði Hermes Analitica Zagreb í heimalandinu undanfarin ár.

Njarðvíkingar taka á móti grönnum sínum í Keflavík þegar deildin fer af stað með látum á föstudaginn.