Njarðvíkingar á toppinn: Keflavík í Hólminn í kvöld

Njarðvíkingar gerðu góða ferð Norður til Akureyra í gærkvöldi er þeir burstuð heimamenn í Þór 73-101 í annarri umferð Iceland Express deildar karla í körfuknattleik. Eftir sigurinn eru Njarðvíkingar efstir í deildinni en þeir eru eina liðið sem unnið hefur tvo fyrstu leiki sína.

 

Jóhann Árni Ólafsson fór mikinn í lið Njarðvíkur í gær með 22 stig sem og Brenton Birmingham sem gerði 20 stig, tók 9 fráköst og gaf 7 stoðsendingar.

 

Keflvíkingar freista þess að fylgja eftir góðum sigri sínum á Grindavík í fyrstu umferð er þeir mæta Snæfell í Hólminum í kvöld kl. 19:15. Snæfell tapaði illa í Ljónagryfjunni í fyrstu umferð en Keflvíkingar léku gríðarlega vel gegn Grindavík. Það má því gera ráð fyrir miklum baráttuleik í Stykkishólmi í kvöld kl. 19:15.

 

VF-Mynd/ Úr safni - Jóhann Árni fann sig vel fyrir Norðan í gær og sett niður 22 stig fyrir græna.