Njarðvík vann Víði í Lengjubikarnum

Njarðvík vann góðan sigur á grönnum sínum Víði úr Garði í B-deild Lengjubikarsins í knattspyrnu í gær, 3-0.

Leikurinn einkenndist af mikilli baráttu, en Árni Þór Ármannsson kom Njarðvíkingum yfir í fyrri hálfleik.

Í þeim seinni bætti markvörðurinn Albert Sævarsson öðru marki við úr vítaspyrnu og Einar Valur Árnason gerði loks út um leikinn með sínu fyrsta marki í meistaraflokki.

Njarðvík er efst í riðli sínum eftir tvo sigra í jafn mörgum leikjum.