Njarðvík og Reynir lágu bæði

Bæði Njarðvíkingar og Reynismenn máttu sætta sig við ósigur í 1. deild karla í knattspyrnu í gær. Njarðvík lá 1-3 heima gegn ÍBV og Reynir lá 2-0 á útivelli gegn Víkingi Ólafsvík. Njarðvík og Reynir mætast svo í sannkölluðum Suðurnesjabotnslag í næstu umferð og fer leikurinn fram á Sparisjóðsvellinum í Sandgerði þann 15. september kl. 15:00.

 

Eftir leiki gærdagsins eru Njarðvíkingar komnir í 10. sæti með 16 stig og Reynismenn færðust aftur niður í neðsta sæti og eru með 15 stig, einu stigi á eftir KA. Þegar þrjár umferðir eru eftir eru enn sex lið sem geta fallið svo lokaspretturinn ætti að vera æsispennandi.

 

Eyjamenn skorðu snemma á Njarðvíkurvelli í gær. Ian Jefss kom gestunum í 1-0 á 12. mínútu en þannig stóðu leikar í hálfleik. Gestirnir skoruðu svo öðru sinni á 54. mínútu með marki frá Inga Rafni Ingibergssyni og á 79. mínútu bætti Andri Ólafsson við þriðja markinu. Alfreð Elías Jóhannsson náði svo að klóra í bakkann fyrir Njarðvíkinga á 91. mínútu þegar hann skoraði með skalla eftir fyrirgjöf af hægri kantinum.

 

Athygli vakti í tapleik Sandgerðinga í gær að Brynjar Örn Guðmundsson, miðjumaður hjá Reyni, stóð vaktina í markinu frá 25. mínútu leiksins þar sem Atli Jónasson, markvörður, varð að fara meiddur af leikvelli. Mörk Víkinga frá Ólafsvík gerðu þeir Sigurður Víðisson og Jón Pétur Pétursson.

 

VF-Mynd/ [email protected] – Alfreð skorar fyrir Njarðvíkinga með fínum skalla.