Njarðvík-Keflavík í 8-liða úrslitum bikarsins

Nú fyrir skömmu var dregið í 8-liða úrslitum Poweradebikarsins í körfuboltanum. Það verður nágrannaslagur hjá stelpunum þar sem Njarðvík og Keflavík mætast, en þessi lið háðu skemmtilega rimmu um Íslandsmeistaratitilinn á síðasta ári og verma tvö efstu sæti deildarinnar um þessar mundir. Grindvíkingar eru svo enn með hjá konunum og þær mæta Stjörnunni.

Hjá körlunum eru Keflvíkingar og Njarðvíkingar á útivelli. Keflvíkingar fara í Grafarvoginn og mæta Fjölni á meðan Njarðvíkingar heimsækja Sauðkræklinga fyrir norðan. Leikið verður dagana 21. – 23. janúar

8 – liða kvenna

Njarðvík – Keflavík
Fjölnir – Snæfell
Haukar – Hamar
Stjarnan – Grindavík

8 – liða karlar

KFÍ – Hamar 1. Deild
Fjölnir – Keflavík
Tindastóll – Njarðvík
KR – Snæfell

Mynd: Núverandi meistarar í Keflavík fara í Ljónagryfjuna í 8-liða úrslitunum