Njarðvík á toppnum í 2. deild

Njarðvíkingar eru á toppi 2. deildar Íslandsmótsins í knattspyrnu karla þegar 14 umferðir hafa verið leiknar. Njarðvíkingar hafa 30 stig á toppnum eins og Magni. 

 

Njarðvíkingar hafa skorað 33 mörk en Magni 32. Þá hafa bæði lið fengið á sig 21 mark. Baráttan um toppsætið gæti því ekki verið meira spennandi en eitt mark tryggir Njarðvík toppinn.

 

Njarðvíkingar unnu Tindastól í síðasta leik sínum, sem fram fór á Njarðtaksvellinum í Njarðvík á föstudagskvöld. Úrslit leiksins voru 2:0 sigur Njarðvíkur en staðan í hálfleik var 1:0.

 

Mörk Njarðvíkur skoruðu Atli Freyr Ottesen Pálsson á 30. mínútu og svo Andri Fannar Freysson 59. mínútu úr víti.

 

Njarðvíkingar taka á móti liði Fjarðabyggðar á miðvikudagskvöldið í Njarðvík. Leikurinn hefst kl. 19:15.