Nesarar gerðu það gott í Belgíu

Íslendingar áttu 29 keppendur í Evrópuleikum Special Olympics sem fram fóru í Antwerpen í Belgíu fyrir skömmu. Íþróttafélagið NES frá Suðurnesjum átti sjö keppendur á leikunum auk þjálfara. Það voru þau: Ingibjörg Margeirsdóttir sem keppti í sundi, Ari Ægisson og Thelma Gunnlaugsdóttir sem kepptu í frjálsum íþróttum, Eðvarð Sigurjónsson sem keppti í boccia og Sigurður Guðmundsson, Ragnar Olafsson og Halldór Finnson sem kepptu í knattspyrnu. Þeim gekk öllum vel og komust flestir á verðlaunapall.

Special Olympics samtökin voru stofnuð af Kennedy fjölskyldunni árið 1968.  Auk íþróttaviðburða starfa samtökin markvisst að því að efla og bæta lífsgæði fólks með  þroskahömlun. Skráðir iðkendur eru nú um 4 milljónir. Íslendingar kepptu í boccia, badminton, borðtennis, frjálsum íþróttum, knattspyrnu og sundi.

Hópurinn allur samankominn.

Boccia hópur Íslands.

Ari Ægisson frá NES keppti í frjálsum. Hann hafnaði í 2. sæti í hástökki.

Sundgarparnir í hópnum.