Naumt tap Grindavíkur
Grindavík mætti Tindastól í Domino´s- deild karla í Mustad höllinni í Grindavík í kvöld. Leikurinn endaði með sigri Tindastóls og voru lokatölur leiksins 81-88. Leikurinn var nokkuð jafn framan af og var fjórði leikhluti æsispennandi þar sem að liðin skiptust á að taka forystuna. Tindastóll náði þó að stíga upp í lok leikhlutans og fóru heim á Krókinn með sigur.
Sigurður Ragnarsson fór út af í liði Grindavíkur með fimm villur og Ólafur Ólafsson var líka í villuvandræðum í leiknum. Stigahæstu leikmenn Grindavíkur voru Rashad Whack með 22 stig, Dagur Kár með 15 stig og Ólafur Ólafsson með 14 stig.
Hér að neðan má sjá myndir úr leik kvöldsins.
Grindavík- Tindastóll
