Mikil spenna í Sparisjóðsmótinu

Sesselja Þórðardóttir og Marinó Haraldsson urðu hlutskörpust í Sparisjóðsmótinu í pútti sem fram fór í gær en mótið var styrkt af Sparisjóðnum í Keflavík. Sesselja varð sigurvegari í kvennaflokki á 68 höggum og þá fékk hún einnig bingóverðlaunin með 7 holur í höggi. Í karlaflokki var Marinó Haraldsson efstur með 65 högg en Heiðar Viggósson fékk flest bingó í karlaflokki.

 

Keppnin í báðum flokkum var æsispennandi en í karlaflokki réðust úrslitin í þreföldum bráðabana. Allir þrír efstu púttararnir luku keppni á 65 höggum en Marinó hafði betur í bráðabönum gegn Jóni Ísleifssyni og Heiðari Viggóssyni.

 

Í kvennaflokki var Sesselja öruggur sigurvegari en þær María Einarsdóttir og Jóhanna Árnadóttir kepptu um annað sætið í bráðabana þar sem María hafði betur.

 

Að móti loknu var það Sparisjóðurinn í Keflavík sem bauð til kaffiveislu.

 

Lokastaðan í mótinu var sem hér segir:

 

Konur

Sesselja Þórðardóttir-68 högg

María Einarsdóttir-69 högg

Jóhanna Árnadóttir-69 högg

 

Bingó: Sesselja Þórðardóttir, 7 bingó

 

Karlar

Marinó Haraldsson-65 högg

Jón Ísleifsson-65 högg

Heiðar Viggósson-65 högg

 

Bingó: Heiðar Viggósson-9 bingó

 

Mynd 1: Bingóverðlaunahafarnir Sesselja Þórðardóttir og Heiðar Viggósson ásamt Baldri Guðmundssyni, fyrir miðju, frá Sparisjóðnum í Keflavík.

Mynd 2: Sigurvegarar í karlaflokki.

Mynd 3: Sigurvegarar í kvennaflokki.