Massi á þrjá í landsliðinu

Þrír liðsmenn lyftingardeildar Massa hafa verið valdir til þátttöku í opna Norðurlandamótinu í kraftlyftingum og bekkpressu. Mótið verður í umsjón Massa og mun fara fram í Njarðvík í lok ágúst.

Keppendurnir þrír eru þeir Hörður Birkisson, Sindri Freyr Arnarsson og Daði Már Jónsson. Þeir Daði og Sindri tóku þátt á Evrópumóti unglinga í Prag sl. vor þar sem þeir náðu fínum árangri.