Loks sigur hjá Keflavíkurstúlkum

Keflavíkurstúlkur sneru svo sannarlega við blaðinu í kvöld þegar þær unnu sannfærandi sigur á Stjörnunni, 5-2, í Landsbankadeild kvenna. Staðan í hálfleik var 3-0, en þetta er fyrsti sigurleikur Keflavíkur síðan í fyrstu umferð Íslandsmótsins.

Mörk Keflavíkur skoruðu þær Nína Kristinsdóttir, Ágústa Jóna Heiðdal, Hrefna Magnea Guðmundsdóttir, Vesna Smiljkovic og Ólöf Helga Pálsdóttir. Mörk Stjörnunnar skoruðu Björk Gunnarsdóttir og Anna Margrét Gunnarsdóttir.

VF-mynd/Þorgils