Loks sigur gegn Snæfell

Keflvíkingar lögðu deildarmeistara Snæfells á útivelli í lokaumferð Domino’s deildar kvenna í körfubolta. Lokatölur 59:72. Þannig enduðu liðin jöfn að stigum en Snæfell hafði betur 3-1 í innbyrðis viðureignum liðanna í vetur.

Sigur Keflvíkinga má fyrst og fremst þakka góðum varnarleik þeirra. Leiðir skildu í þriðja leikhluta þar sem Keflvíkingar enduðu leikhlutann með 10-0 áhlaupi og lögðu þannig grunn að sigri. Úrslitakeppnin hefst 28.-29. mars en þar leika Keflvíkingar gegn Skallagrímskonum.

Ariana Moorer var stigahæst Keflvíkinga með 18 stig en Birna Valgerður og Erna skoruðu 15 hvor.

Snæfell-Keflavík 59-72 (12-16, 18-19, 14-23, 15-14)
Keflavík: Ariana Moorer 18/10 fráköst/9 stoðsendingar, Birna Valgerður Benónýsdóttir 15/8 fráköst, Erna Hákonardóttir 15, Emelía Ósk Gunnarsdóttir 8, Thelma Dís Ágústsdóttir 7/9 fráköst, Þóranna Kika Hodge-Carr 5, Salbjörg Ragna Sævarsdóttir 4, Kamilla Sól Viktorsdóttir 0, Svanhvít Ósk Snorradóttir 0, Elsa Albertsdóttir 0, Irena Sól Jónsdóttir 0, Katla Rún Garðarsdóttir 0.