Lokaspretturinn hefst í kvöld

Deildarkeppnin í Iceland Express deild karla í körfuknattleik hefst aftur í kvöld eftir bikarhlé með fjórum leikjum sem allir hefjast kl. 19:15. Þetta er 19. umferð deildarinnar en henni lýkur annað kvöld, föstudag, með leikjum Hamars og Keflavíkur og svo Stjörnunnar og KR.

Í kvöld taka Grindvíkingar á móti ÍR í Röstinni og Njarðvíkingar halda Norður í land og mæta Tindastól á Sauðárkróki. Bikarliðin Fjölnir og Snæfell mætast í Grafarvogi og Skallagrímur fær Þór Akureyri í heimsókn. Egill Jónasson verður með Njarðvíkingum í kvöld og að sögn Teits Örlygssonar þjálfara Njarðvíkinga mun Egill hita upp með liðinu hið minnsta en hann á svo að vera orðinn endanlega klár í slaginn í þarnæsta leik Njarðvíkinga sem verður gegn Skallagrím í Ljónagryfjunni. Egill fór nýverið í aðgerð sökum meiðsla í hné og hefur verið frá í skamman tíma í liði Njarðvíkur.

Hart er barist um hvert einasta sæti í deildinni um þessar mundir og með sigri í kvöld geta Grindvíkingar jafnað Keflavík á toppi deildarinnar. Grindavík hefur 28 stig í 2. sæti en Keflavík er á toppnum með 30 stig. KR hefur einnig 28 stig en Grindavík hefur betur í innbyrðisviðureignum liðanna.

Njarðvík, Snæfell og Skallagrímur heyja harða baráttu um 4. sætið en öll hafa þau 20 stig og eiga leik í kvöld. Hér að neðan birtum við síðustu deildarleiki Suðurnesjaliðanna eins og þeir koma fyrir.

Keflavík:

Hamar-Keflavík

Keflavík-Tindastóll

Skallagrímur-Keflavík

Keflavík-Fjölnir

Grindavík:

Grindavík-ÍR

Snæfell-Grindavík

Grindavík-Þór Akureyri

Njarðvík-Grindavík

Njarðvík:

Tindastóll-Njarðvík