Logi fór á kostum í sigri gegn toppliðinu

Körfuknattleiksmaðurinn Logi Gunnarsson fór á kostum í gærkvöldi þegar lið hans ToPo Helsinki lagði toppliðið Joensuun Kataja 100-68 í finnsku úrvalsdeildinni.

 

Logi fór á kostum í leiknum er hann setti niður 30 stig og hitti úr 8 af 14 þriggja stigaskotum sínum í leiknum. Með sigrinum hefur ToPo svo gott sem tryggt sér 4. sæti í deildinni og því hefur liðið næsta víst heimaleikjaréttinn þegar úrslitakeppnin hefst. Líklegt er að ToPo mæti liðinu Namikah Lahti í fyrstu umferð úrslitakeppninnar í Finnlandi.

 

VF-mynd/ Úr safni - Logi í leik með íslenska landsliðinu