Logi, Bryndís, Sara og Petrúnella í liðum ársins

Lokahóf KKÍ var haldið í hádeginu á laugardag þar leikmenn, þjálfarar og dómarar ársins voru krýndir ásamt því að lið ársins í Domino´s deildum karla og kvenna og 1. deild karla og kvenna var tilkynnt.

Suðurnesjaliðin áttu þrjá fulltrúa í liði ársins í Domino´s deild kvenna þar sem Keflvíkingarnir Sara Rún Hinriksdóttir og Bryndís Guðmundsdóttir ásamt Grindvíkingnum Petrúnellu Skúladóttur fengu útnefningar.

Njarðvíkingurinn Logi Gunnarsson var valinn í lið ársins í Domino´s deild karla.

Þá var Njarðvíkingurinn Erna Hákonardóttir í liði ársins í 1. deild kvenna.

Þá var Sigmundur Már Herbertsson valinn dómari ársins en Sigmundur mun koma til með að dæma á Evrópumóti landsliða sem fram fer í haust sem er mikill heiður og verður það í fyrsta sinn sem að íslenskur dómari dæmir á þeim vettvangi.