Leikur Njarðvíkur og Fjölnis fer fram á Keflavíkurvelli

Sjöunda umferð í 1. deild karla í knattspyrnu fer fram á morgun þar sem Suðurnesjaliðin Njarðvík og Grindavík eiga heimaleiki en Reynismenn halda Norður í land. Allir leikir umferðarinnar hefjast kl. 20:00 nema viðureign KA og Reynis sem fer fram á Akureyri.

 

Sökum tafa í framkvæmdum við nýtt vallarhús Njarðvíkinga á nýja knattspyrnusvæðinu þeirra skammt frá Reykjaneshöll verður leikur þeirra gegn Fjölni færður á Keflavíkurvöll.

 

Grindvíkingar taka svo á móti Þrótti Reykjavík en það eru liðin sem skipa tvö efstu sætin í deildinni.