Leikið í VISA bikar kvenna í kvöld

Nokkrir leikir fara fram í fyrstu umferð VISA bikarkeppni kvenna í knattspyrnu í kvöld og munu Keflavíkurkonur mæta HK/Víking á Víkingsvelli kl. 20:00. HK/Víkingur leikur í 1. deild kvenna en Keflavíkurkonur leika í Landsbankadeildinni.

 

Kvennalið GRV tekur á móti Aftureldingu á Grindavíkurvelli kl. 20:00 og verður þar um hörkuslag að ræða þar sem Afturelding er talið vera með eitt sterkasta liðið í 1. deild kvenna í ár.

 

Aðrir leikir í VISA bikar kvenna í kvöld:

 

Tindastóll-Þór/KA

KFR/Ægir-ÍBV

Höttur-Hamrarnir

ÍR-Fjölnir

Haukar-FH