Leikið í 2. og 3. deild í dag
Njarðvík, Víðir og Reynir í eldlínunni
Njarðvíkingar fá lið Tindastóls í heimsókn á Njarðtaksvöllinn í dag en leikurinn er hluti af 2. umferð 2. deildar karla. Njarðvíkingar gerðu góða ferð austur á Egilsstaði í síðust umferð og unnu góðan 0-1 sigur með marki Theódórs Guðna Halldórssonar.
Þá hefst keppni í 3. deild karla þar sem að Reynir Sandgerði fær Völsung í heimsókn en frítt verður á N1 völlinn í Sandgerði í allt sumar í tilefni 80 ára afmæli félagsins.
Víðismenn sækja lið Kára heim á Akranes á sama tíma.
Allir leikirnir hefjast kl. 14.
