Leggja frá sér flautuna eftir 34 ár í dómgæslu

Þeir félagar Gísli Jóhannsson og Hafsteinn Ingibergsson hafa ákveðið að leggja dómaraflautuna á hilluna eftir 34 ár í dómgæslu í handboltanum. Suðurnesjamennirnir eiga um 1.700 leiki að baki og hafa dæmt leiki út um allan heim. Á síðustu árum hafa þeir jafnan dæmt mikilvæga leiki í bikarkeppnum og á Íslandsmótinu í öllum aldurshópum. Þeir voru rétt komnir með bílpróf þegar þeir byrjuðu að dæma en þá var handbolti talsvert vinsælli á Suðurnesjum en hann er nú.