Kvennadeildin fer aftur af stað í kvöld
-Heimaleikur hjá Grindavík
Dominos deild kvenna fer aftur af stað eftir landsleikjahlé í kvöld og verður heil umferð spiluð. Grindavík tekur á móti Skallagrím í Mustad höllinni en Keflavík og Njarðvík eiga útileiki. Keflavík mætir Haukum í Schenkerhöllinni og Njarðvík spilar gegn Stjörnunni í Ásgarði. Allir leikir kvöldsins hefjast kl. 19:15.
Fyrir leiki kvöldsins er Keflavík á toppi deildarinnar ásamt Snæfell með 14 stig, Njarðvík í 4.-5. sæti með Stjörnunni og Grindavík vermir botninn með 4 stig.
