Kristinn stigahæstur í sigri
Suðurnesjamenn í háskólaboltanum
Njarðvíkingurinn Kristinn Pálsson var stigahæstur með 19 stig þegar lið hans Marist sigraði lið Rider í bandaríska háskólakörfuboltanum. Kristinn hitti úr fimm af sex skotum sínum fyrir utan þriggja stiga línuna og bætti við átta fráköstum í leiknum. Sjá má tilþrif frá leiknum og viðtal við Kristinn hér.
Elvar Már Friðriksson úr Njarðvík gaf 10 stoðsendingar og skoraði sjö stig þegar Barry skólinn bar sigurorð af Tampa 67:73 á dögunum.
Keflvíkingurinn Sara Rún Hinriksdóttir skoraði 11 stig þegar lið hennar í Canisius skólan tapaði gegn Monmouth. Sara hitti úr öllum þremur þriggja stiga skotum sínum í leiknum.
