Kristinn og Sara á sigurbraut
Úrslit úr háskólakörfunni
Njarðvíkingurinn Kristinn Pálsson heldur áfram að gera það gott í bandaríska háskólakörfuboltanum með liði sínu Marist, en hann skoraði 14 stig og tók fimm fráköst þegar Marist sigraði Manhattan háskólann 75-70 í gær sunnudag.
Keflvíkingurinn Sara Rún Hinriksdóttir skoraði átta stig á níu mínútum þegar lið hennar Canisius bar sigurorð af Rider skólanum 73-64. Sara hitti úr öllum þremur skotum sínum í leiknum og tók auk þess þrjú fráköst.
