Knattspyrnumenn Keflvíkinga á Spáni

Lokaundirbúningur fyrir Íslandsmótið er að komast í fullan gang. Pepsi-deildarlið Keflavíkur er nýkomið til Spánar.  Þar mun liðið dveljast í viku í Oliva Nova við æfingar.  Á staðnum er glæsileg aðstaða til æfinga og keppni og ljóst að það mun fara vel um okkar menn.

Liðið kom á hótelið seinnipartinn í gær og skellti sér strax á létta æfingu. Hópurinn horfði svo á meistaradeildina og svo fóru menn snemma í rúmið, segir í frétt á heimasíðu Keflavíkur.