Knattspyrnukonur deila reynslu eftir höfuðáverka

Knattspyrnukonurnar og Grindvíkingarnir Ólína Viðarsdóttir og Sara Hrund Helgadóttir munu ásamt Huldu Mýrdal deila reynslu sinni af því að hljóta heilahristing og heilaáverka í fótbolta.

Viðburðurinn fer fram á morgun, miðvikudaginn 31. janúar í húsakynnum Hugarfars að Sigtúni 42.
Sara Hrund lagði skóna á hilluna í fyrra eftir höfuðhögg í leik gegn ÍBV og er Ólína enn að glíma við slæmar afleiðingar höfuðhögga, en mikil vitundarvakning hefur orðið vegna afleiðinga höfuðhögga í íþróttum undanfarin misseri.

Allir eru velkomnir og er aðgangur ókeypis.

Viðburðinum verður einnig varpað hér í beinni útsendingu.