Kenny og Neil verða áfram með Njarðvík

Skosku leikmennirnir Kenneth Hogg og Neil Slooves munu spila áfram með Njarðvík í knattspyrnu á næsta ári en Njarðvíkingar munu spila í Inkasso-deildinni að ári. Þetta kemur fram á heimasíðu Njarðvíkur.
Kenneth og Neil skrifuðu báðir undir áframhaldandi samning við Njarðvík áður en þeir fóru aftur heim til Skotlands.

Báðir leikmennirnir komu frá Tindastól í seinni félagaskiptaglugganum í sumar. Kenneth lék átta leiki með Njarðvík í sumar og skoraði fjögur mörk, Neil stóð vaktina í vörninni og lék átta leiki.