Keflvíkingar tryggðu sér oddaleik
Keflavík tryggði sér oddaleik í einvígi sínu gegn Val í undanúrslitum um Íslandsmeistararatitilinn í Domino’s deild kvenna í körfubolta. Keflavík hafði betur 59-64 í fjórða leik liðanna sem fram fór í Vodafonehöllinni í dag. Oddaleikurinn fer því fram í Keflavík þar sem Valsstúlkur hafa unnið tvo síðustu leiki en fram að þessu hafa allir leikir unnist á útivelli í þessu einvígi þar sem staðan er 2-2.
Keflvíkingar voru betri allt frá upphafi og ætluðu augljóslega ekki að fara í snemmbúið sumarfrí. Keflavík var yfir eftir fyrsta leikhluta, 11-21. Valskonur vöknuðu til lífsins í öðrum leikhluta. Þær skoraðu 18 stig í röð í upphafi leikhlutans og komust yfir í leiknum 29-25 þegar leikhlutinn var hálfnaður. Keflvíkingar tóku þá leikhlé enda virtist fátt ganga upp hjá þeim. Þær náðu þú að rétta sinn hlut og leiddu í hálfleik 35-37.
Leikurinn var jafn og spennandi en báðum liðum gekk erfiðlega í sóknarleiknum í síðari hálfleik. Taugatitringur gerði vart við sig enda mikið í húfi og í fjórða leikhluta skoruðu liðin aðeins 20 stig samtals. Keflvíkingar höfðu sigur að lokum eins og áður segir en þær náðu þó aldrei afgerandi forystu.
Keflavík: Jessica Ann Jenkins 18/6 fráköst, Ingunn Embla Kristínardóttir 12/6 fráköst, Sara Rún Hinriksdóttir 11/10 fráköst, Birna Ingibjörg Valgarðsdóttir 9/7 fráköst, Bryndís Guðmundsdóttir 8/9 fráköst, Pálína Gunnlaugsdóttir 6/5 fráköst, Ingibjörg Jakobsdóttir 2, Sandra Lind Þrastardóttir 0, Lovísa Falsdóttir 0, Telma Lind Ásgeirsdóttir 0, Elínora Guðlaug Einarsdóttir 0, Aníta Eva Viðarsdóttir 0.
