Keflvíkingar töpuðu úrslitaleiknum
Keflavíkurstúlkur máttu sætta sig við ósigur í úrslitum Lengjubikarsins í körfubolta í gær. Snæfell reyndist sterkari aðilinn í leiknum og höfðu sigur, 72-78 en leikurinn fór fram á heimavelli Keflvíkinga.
Snæfellingar kláruðu dæmið á lokasprettinum en fram að því hafði leikurinn verið jafn og spennandi.
Hjá Keflavík var Sara Rún Hinriksdóttir stigahæst og Pálína Gunnlaugsdóttir var með 14 stig. Ingunn Embla Kristínardóttir var einnig spræk hjá Keflvíkingum.
