Keflvíkingar í undanúrslit eftir öruggan sigur

Keflavíkurkonur eru komnar í undanúrslit Lengjubikarsins í fótboltanum eftir að þær unnu 3-0 sigur á ÍR. Um markaskorun hjá Keflavík sáu þær Sveindís Jane Jónsdóttir, Kristrún Ýr Holm og Anita Lind Daníelsdóttir, en öll mörkin komu í seinni hálfleik

Með sigrinum tryggðu Keflavíkurstúlkur sér sigur í riðlinum og mæta HK/Víking í undanúrslitum á laugardaginn kl. 16:30 í Reykjaneshöll. Í hinum undanúrslitaleiknum mætast Völsungur og Haukar í Boganum á Akureyri.