Keflvíkingar höfðu betur í grannaslag
5-2 sigur gegn Grindavík í Lengjubikarnum
Keflvíkingar báru sigurorð af grönnum sínum í Grindavík þegar liðin áttust við í Lengjubikar kvenna í fótboltanum. Leikurinn endaði með 5-2 sigri Keflvíkinga en þær komust í 3-0 forystu eftir 20 mínútna leik. Amber Pennybaker skoraði tvö mörk fyrir Keflvíkinga og var Dröfn Einarsdóttir sömuleiðis með tvö fyrir Grindavík. Markaskorara má sjá hér að neðan. Keflvíkingar hafa unnið tvo fyrstu leiki sína í Lengjubikarnum á meðan Grindvíkingar hafa tvisvar þurft að sætta sig við tap.
