Keflvíkingar burstuðu Hamar
Keflvíkingar gerðu góða ferð til Hveragerðis í kvöld þegar þeir burstuðu heimamenn í Hamar, 137:83, í Intersport-deildinni í körfuknattleik. Keflvíkingar komu gríðarlega vel stemmdir til leiks og leiddu frá upphafi. Damon Johnson var stigahæstur í liði gestanna með 30 stig en Gunnar Einarsson átti einnig frábæran leik og setti niður 29 stig þar af 18 stig í fyrsta leikhluta. Annars var allt liðið að spila vel, liðið lék frábæra vörn og hitti vel (21:40 í þriggjastigskotum), eins og sést best á tölunum.
Sigurður Ingimundarson þjálfari Keflvíkinga var að vonum mjög ánægður eftir leikinn. "Við spiluðum geggjaðan leik í kvöld og strákarnir eiga hrós skilið fyrir frammistöðuna. Við spiluðum vel allan tímann bæði í sókn og vörn og það gerði útslagið", sagði Sigurður eftir leikinn.
Þeir skoruðu mest: Damon Johnson 30, Gunnar Einarsson 29, Guðjón Skúlason 26, Magnús Þór Gunnarsson 15 og Kevin Grandberg 10.
Þá ber að minnast á frábæra vörn Sverris Sverrissonar og Davíðs Þórs Jónssonar sem héldu erlenda leikmanninum í liði Hamars í aðeins 8 stigum sem verður að teljast frábært afrek þar sem hann hafði verið að skora grimmt fyrir þennan leik.
Sigurður Ingimundarson þjálfari Keflvíkinga var að vonum mjög ánægður eftir leikinn. "Við spiluðum geggjaðan leik í kvöld og strákarnir eiga hrós skilið fyrir frammistöðuna. Við spiluðum vel allan tímann bæði í sókn og vörn og það gerði útslagið", sagði Sigurður eftir leikinn.
Þeir skoruðu mest: Damon Johnson 30, Gunnar Einarsson 29, Guðjón Skúlason 26, Magnús Þór Gunnarsson 15 og Kevin Grandberg 10.
Þá ber að minnast á frábæra vörn Sverris Sverrissonar og Davíðs Þórs Jónssonar sem héldu erlenda leikmanninum í liði Hamars í aðeins 8 stigum sem verður að teljast frábært afrek þar sem hann hafði verið að skora grimmt fyrir þennan leik.
