Keflavík tekur á móti Fjölni í kvöld

Heil umferð fer fram í Landsbankadeild kvenna í knattspyrnu og mun Keflavík taka á móti Fjölni á Keflavíkurvelli kl. 18:00. Fjölnir á harma að hefna gegn Keflavík því þær síðarnefndu slógu út Fjölni í undanúrslitum VISA bikarsins og því má gera ráð fyrir hörkuspennandi leik í kvöld.

 

Keflavík er nú í 4. sæti deildarinnar með 21 stig en Fjölnir er í 6. sæti með 12 stig. Þar sem Breiðablik leikur ekki í þessari umferð jafnast Blikar og Keflavík að leikjafjölda og því gott tækifæri fyrir Keflavíkurstúlkur að minnka mun Blika niður í eitt stig. Liðin berjast hart um 3. sætið í deildinni og á dögunum mátti Keflavík sætta sig við 4-1 ósigur gegn Blikum í Kópavogi.

 

Staðan í deildinni

 

VF-mynd/ [email protected] - Frá leik liðanna í undanúrslitum VISA bikarkeppninnar á dögunum.