Keflavík tapar fyrsta Evrópuleiknum
Keflavík mátti sætta sig við tap gegn tékkneska liðinu Mlekarna Kunin í fyrsta Evrópuleik vetrarins, 107-74 í dag.
Þeir Jermaine Williams og Thomas Soltau voru stiaghæstir Keflvíkinga með 16 stig hvor og Tim Ellis var með 14 stig. Bandaríkjamaðurinn Chad Timberlake var atkvæðamestur í tékkneska liðinu með 23 stig.
Leikmenn Mlekarna, sem léku á heimavelli, hittu ótrúlega úr 3ja stiga skotum sínum (14/27) og voru með talsvert fleiri fráköst.
Næsti leikur Keflavíkur verður þann 17 þessa mánaðar á heimavelli.
