Keflavík og Njarðvík mætast í kvöld
Keflavíkurstúlkur taka á móti erkifjendum sínum frá Njarðvík í 1. deild kvennakörfunnar í kvöld. Leikurinn hefst kl. 19:15 í Sláturhúsinu við Sunnubraut. Alex Stewart, nýr leikmaður Keflavíkur, mun leika sinn fyrsta leik með liðinu í kvöld og verður fróðlegt að sjá hvort hún geti fyllt skarð Resheu Bristol.
Í DHL Höllinni mætast KR og Grindavík en sá leikur hefst einnig kl. 19:15. Grindavíkurstúlkur eru í 2. sæti deildarinnar, fjórum stigum á eftir toppliði Keflavíkur.
