Keflavík og Njarðvík hlutu hvatningarverðlaun UMFÍ

Keflavík og Njarðvík var veitt hvatningarverðlaun Ungmennafélags Íslands á sambandsþingi UMFÍ sem haldið var um helgina fyrir sameiginlegt átak þeirra til að auka þátttöku barna með sérstakar stuðningsþarfir í íþróttum.

Félögin buðu upp á sameiginlegt námskeið í knattspyrnu og körfubolta í ár. Verkefnið þótti heppnast vel og var almenn ánægja með framtakið sem var haldið í tengslum við átakið Allir með! í Reykjanesbæ.

Formenn félaganna, Einar Haraldsson frá Keflavík og Ólafur Eyjólfsson frá Njarðvík, tóku við viðurkenningunnum. 

Víkurfréttir ræddu við íþróttastjóra félaganna í vor um námskeiðið og má sjá viðtalið hér að neðan.