Keflavík mætir Fjölni í kvöld

Keflavík mætir Fjölni í Intersport-deildinni í kvöld. Leikurinn fer fram í Sláturhúsinu við Sunnubraut og hefst kl. 19.15.

Fjölnismenn hafa komið liða mest á óvart á sínum fyrsta vetri í Úrvalsdeild og eru sem stendur í 2.- 4. sæti ásamt Keflvíkingum og Snæfelli.

Benedikt Guðmundsson og lærisveinar hans eiga þó erfitt verkefni fyrir höndum því enginn sækir auðveld stig í Sláturhúsið auk þess sem Keflvíkingar eru án efa með myljandi sjálfstraust eftir sigurinn á Njarðvík fyrir skömmu.