Karfan að hefjast: Grindavík og Haukar mætast í kvöld

Keppnistíðin í körfuknattleik byrjar í kvöld með leik karlaliða Grindvíkut og Hauka í Lengjubikarnum. Sem kunnugt er hafa Grindvíkingar titil að verja. Leikið verður í Grindavík og hefst leikurinn kl. 19:15.

Nokkrar breytingar hafa orðið á Grindavíkurliðinu í sumar.  Arnar Freyr Jónsson ákvað að ganga til liðs við danskt lið eftir stutta viðkomu hjá Keflavík. Brenton er hættur og Darel Flake fór til Skallagríms.
Helgi Björn Einarsson hefur ákveðið að koma aftur heim frá Haukum og Keflvíkingurinn Almar Guðbrandsson, sem spilaði með KFÍ á síðasta tímabili, er mættur í herbúðir Grindvíkinga. Einnig hefur verið samið við bandaríska leikstjórnandann Drey Smith
 
Haukarnir eru nýliðar í deildinni í vetur en þeir tefla fram tveimur erlendum leikmönnum og eru til alls vísir.