Jones og Van til liðs við UMFN

Körfuknattleiksdeild UMFN hefur samið við tvo Bandaríkjamenn um að leika með karlaliði félagsins á komandi tímabili.  Þeir Cameron Echols og Travis Holmes sem léku með liðinu síðasta vetur munu ekki snúa aftur í haust en nýju mennirnir eru hugsaðir fyrir baráttuna í teignum.   Þeir heita Jonathan Jones og Marcus Van.

Jonathan Jones er 196 cm framherji sem að lék með Kean háskólanum í þriðju deild NCAA háskólaboltans.   Hann útskrifaðist vorið 2011 og lauk keppni með 23,9 stig, 13,7 fráköst, og var með tæplega 60% 2ja stiga nýtingu.  Hann var í All-America liði þriðju deildarinnar.    Jonathan er 23ja ára gamall og er að taka sín fyrstu skref í atvinnumennsku.

Marcus Van er 201 cm miðherji sem að lék með Central Michigan skólanum í 1.deild NCAA en þar var hann einmitt samherji Giordan Watson sem lék með UMFN síðari hluta tímabilsins 2010-2011 og svo með Grindavík sl vetur.  Marcus er 27 ára gamall.?Marcus gerði 13,0 stig, tók 8,3 fráköst og varði 1,4 skot á lokaári sínu í skólanum en hann útskrifaðist 2009.  Hann kom aðeins við í LEB silfur deildinni á Spáni árið eftir sem og í Pro A í Þýskalandi.  Tímabilið 2010-2011 lék hann á Írlandi og var þar með 22,7 stig, reif niður 14,2 fráköst og varði 2,2 skot á leik.  Hann var auk þess með rúmlega 68% skotnýtingu. 


Leikmennirnir eru væntanlegir á klakann í haust en Domino´s deild karla hefst sunnudaginn 7. október.