Jón Oddur náði 3. sæti á Evrópumeistaramótinu

Jón Oddur Sigurðsson, sundmaður úr UMFN komst í 3.sæti í 50 m bringusundi á Evrópumeistaramótinu á Möltu fyrir helgina.
Jón Oddur synti sig inn í undanúrslit á tímanum 30.23 en bætti síðan árangur sinn og synti næst á 29.88 sem var áttundi tími inn í úrslit og jafnframt piltamet. Í úrslitum var hann ekki búinn að fá nóg. Hann stal senunni og náði 3. sæti sem er stórglæsilegur árangur, og bætti um leið piltametið og setti Íslandsmet.