Jón Halldór hættur hjá Grindavík

Jón Halldór Eðvaldsson er hættur sem þjálfari liðs Grindavíkur í Domino´s deild kvenna. Þetta staðfesti fulltrúi í stjórn kvennaráðs KKD Grindavíkur við Karfan.is í dag.

Ástæða brotthvarfs Jóns mun vera staða liðsins í deildinni en Grindavík er í næstneðsta sæti deildarinnar. Lewis Clinch Jr. leikmaður karlaliðs Grindavíkur mun taka við starfi Jóns Halldórs sem aðalþjálfari liðsins en honum til aðstoðar verður Hamid Dicko.