Jóhanna og Stimpill frá Vatni náðu frábærum árangri í Herning
2. sæti í slaktaumtölti á HM íslenska hestsins
Hestakonan Jóhanna Margrét Snorradóttir og Stimpill frá Vatni lentu í 2. sæti í slaktaumtölti (T2) í flokki ungmenna á heimsmeistaramóti íslenska hestsins sem fer fram í Herning í Danmörku þessa dagana.
Jóhanna, eða Hanna Magga eins og hún er oftast kölluð, og Stimpill ríða fyrir hönd hestamannafélagsins Mána og óskum við þeim innilega til hamingju með þennan glæsilega árangur!
