Jóhann kominn aftur af stað
Knattspyrnumaðurinn Jóhann Birnir Guðmundsson er kominn aftur af stað í sænska boltanum með liði sínu GAIS eftir erfið meiðsli á læri. Jóhann kom inn í lið GAIS í gær sem varamaður þegar GAIS lá gegn Hjálmari Jónssyni og félögum í IFK Gautaborg 1-0.
GAIS er nú í 11. sæti sænsku úrvalsdeildarinnar með 25 stig og þurfa nauðsynlega á öllum þeim stigum að halda sem þeir mögulega geta nælt sér í þar sem botnlið Trelleborg er ekki langt undan með 18 stig.
