Íþróttamaður Reykjanesbæjar kjörinn á gamlársdag

Íþróttamaður og íþróttamenn Reykjanesbæjar fyrir árið 2002 verða útnefndir í hófi á gamlársdag. Útnefndur verður íþróttamaður hverrar íþróttagreinar ásamt því að veitt verða verðlaun fyrir þrjú efstu sætin í kjöri til íþróttamanns Reykjanesbæjar 2002. Að venju verða allir Íslandsmeistarar Reykjanesbæjar á árinu sem er að líða heiðraðir. Þeim verður afhentur verðlaunapeningur með áletrun um meistaratignina. Dagskrá hefst í Íþróttahúsinu í Njarðvík Kl. 13:00, 31. desember 2002. Hátíðin er opin öllum bæjarbúum.
Örn Ævar Hjartarson er núverandi íþróttamaður Reykjanesbæjar.