Íþróttaárið 2014: Ferð ÍRB liða til Qatar

Sundkonan Erla Dögg Haraldsdóttir segir að ferð ÍRB liðanna Kristófers Sigurðssonar og Sunnevu Daggar Friðriksdóttur til Qatar, hafi staðið upp úr á íþróttaárinu á Suðurnesjum. Að hennar mati er helstu vonbrigði ársins þau að Keflvíkingar töpuðu úrslitaleiknum í bikarnum í fótboltanum.

Hvað stóð upp úr á íþróttaárinu 2014 á Suðurnesjum?

Það að eiga keppandur á Heimsmeistaramóti í Sundi finnst mér standa uppúr en Kristófer Sigurðsson og Sunneva Dögg Friðriksdóttir voru ein af þeim sem kepptu fyrir hönd Íslands á Heimsmeistaramóti í 25m laug í Doha, Qatar fyrr í mánuðnum. Þau æfa bæði með ÍRB sem er einning að standa sig frábærlega sem lið.

Hver voru vonbrigði ársins að þínu mati?

Það var rosalega leiðinlegt að Keflavík tapaði Bikarúrslitaleiknum á móti KR í fótboltanum, en hinsvegar frábært hjá þeim að komast í úrslitin.

Hvaða íþróttamaður/kona skaraði framúr á árinu?

Kristófer Sigurðsson.

Einhverjar íþróttagreinar sem komu sterkar inn á þessu ári?

Mér finnst 3N þríþrautadeild Njarðvíkur vera standa sig frábærlega þau héldu meðal annars stærsta götuhjólreiðarmót á Íslandi á árinu.

Hvernig sérðu íþróttafólk af Suðurnesjum standa sig á næsta ári?

Ég held að íþróttafólk ad Suðurnesjum haldi áfram að blómstra og standi sig vel á næsta ári. Það eru frábærar aðstæður fyrir flest alla íþróttaiðkun hérna á Suðurnesjum svo ef áhugi og dugnaður er til staðar þá getur allt gerst.