Íslandsmeistararnir sterkari í framlengdum leik
Mikil spenna var í Röstinni í Grindavík í kvöld þegar heimakonur máttu sætta sig við að tapa 88-90 gegn Íslandsmeisturum Hauka í framlengdum leik. Staðan að loknum venjulegum leiktíma var 81-81 en Haukar gerðu fyrstu stig framlengingarinnar og höfðu að lokum góðan sigur.
Einnar mínútu þögn var fyrir leikinn í minningu Mörtu Guðmundsdóttur og léku leikmenn beggja liða með sorgarbönd í leiknum. Allur ágóðinn af miðasölunni rennur svo til styrktar fjölskyldu Mörtu.
Strax í upphafi leiks voru bæði lið dugleg að fá dæmdar á sig villur og fékk Ingibjörg Jakobsdóttir strax 3 villur í fyrsta leikhluta. Grindvíkingar áttu fína rispu í lok leikhlutans og lauk honum í stöðunni 23-17 fyrir Grindavík.
Annar og skemmtilegri bragur var á öðrum leikhluta og þær Kiera Hardy hjá Haukum og Joanna Skiba hjá Grindavík voru allt í öllu. Liðin gengu til leikhlés í stöðunni 41-41 og spennandi síðari hálfleikur í vændum.
Áfram voru þær Skiba og Hardy í aðalhlutverkum í síðari hálfleik. Haukar lentu í villuvandræðum þegar þær Unnur Tara og Hanna Hálfdánardóttir fengu báðar sínar fjórðu villu. Staðan fyrir fjórða leikhluta var 69-68 Grindavík í vil og spennandi lokafjórðungur framundan.
Unnur Tara Jónsdóttir var drjúg fyrir Hauka í upphafi fjórða leikhluta en fékk snemma sína fimmtu villu og varð frá að víkja. Ólöf Helga Pálsdóttir kom Grindavík í 76-75 með góðri þriggja stiga körfu. Grindavík komst síðar í 81-78 en Haukar gerðu vel að skora næstu þrjú stig og jöfnuðu leikinn í 81-81.
Þegar 5 sekúndur voru til leiksloka var brotið á
Kristrún Sigurjónsdóttir gerði fyrstu stig framlengingarinnar af vítalínunni og Haukar komust í 83-87 með mikilvægri þriggja stiga körfu frá Kieru Hardy. Grindavík
Haukar leiddu með einu stigi þegar sjö sekúndur voru til leiksloka og Grindvíkingar í sókn. Grindvíkingar brutust upp að körfunni en sniðskotið vildi ekki ofan í og Kristrún Sigurjónsdóttir reif niður mikilvægasta frákast leiksins og tryggði þar með Haukum sigurinn því Grindavík braut strax á henni. Kristrún fór á línuna þegar 2 sekúndur voru til leiksloka, setti niður annað vítið og staðan 88-90. Grindavík náði ekki að nýta sér þessar tvær sekúndur og því fögnuðu Haukar sigri.
Kiera Hardy gerði 40 stig fyrir Hauka í leiknum en Kristrún Sigurjónsdóttir 19. Hjá Grindavík var Joanna Skiba með 32 stig og Tiffany Robertson gerði 31 stig og tók 19 fráköst.
VF-Myndir/ [email protected]
