Ísak Óli og Rúnar Þór léku sinn fyrsta A-landsleik
Í nótt fór fram vináttulandsleikur Íslands og Mexíkó þar sem Mexíkó hafði betur, 2:1, eftir að Ísland hafði komist yfir með marki Birkis Más Sævarssonar eftir um stundarfjórðungs leik.
Keflvíkingarnir Ísak Óli Ólafsson og Rúnar Þór Sigurgeirsson léku báðir sinn fyrsta A-landsleik þegar þeim var skipt inn á.
Hjörtur Hermannsson stýrði vörninni í leiknum og hann var ánægður með innkomu þeirra sem stigu sín fyrstu skref með landsliðinu í nótt. Viðtal við Hjört var birt á Facebook-síðu KSÍ að leik loknum og má sjá það í spilaranum hér að neðan.
