ÍRB langefst fyrir lokadaginn

ÍRB heldur öruggri forystu á AMÍ mótinu eftir 3 daga af 4. Virðist fátt geta komið í veg fyrir fimmta Aldursflokkameistaratitil ÍRB í röð.

 

Þrjú glæsileg unglingamet voru sett á mótinu í dag.

 

Sindri Þór Jakobsson ÍRB setti piltamet í 100m flugsundi þegar hann synti á 55,79mín. og bætti met Arnar Arnarsonar SH frá því 1998 um 91/100 úr sek.

 

Hrafnhildur Luthersdóttir SH setti  stúlknamet, þegar hún synti 200m bringusund á 2:31.51 mín. en fyrra met átti Erla Dögg Haraldsóttir, 2:32.90 mín, sem var sett í Vestmannaeyjum 2004.

 

Loks setti drengjasveit  (13-14ára) SH nýtt drengjamet í 4x50 m. skriðsundi þegar þeir syntu á 1:48.49 mín.og bættu met ÍRB frá 2007 um 3,21sekúndu. Sveitina skipa Njáll Þrastarson, Predrag Milos, Sigurður Friðrik Kristjánsson og Kolbeinn Hrafnkelsson.

 

Staðan fyrir lokadaginn er því svohljóðandi: 

 

1         ÍRB           3014

2         Ægir         2649,5

3         SH            1576

4        Óðinn        1483

5        KR             1398

6        ÍA               890

7        Fjölnir        770

8        Breiðablik   311

9        Vestri         276

10      Ármann      193

11     Afturelding 125,5

12     UMFG          52

13     UMSB          46

14     Selfoss        34

15     Stjarnan       12