ÍRB AMÍ meistarar fimmta árið í röð

ÍRB fagnaði í kvöld sínum fimmta sigri í röð á Aldursflokkameistaramóti Íslands. Mótið, sem fór fram í Vatnaveröld í Reykjanesbæ, þótti takast með afbrigðum vel en þetta var fjölmennasta mót síðari ára þar sem rúmlega 300 krakkar tóku þátt.

 

Í dag féll enn eitt metið en þar var að verki Sigrún Brá Sverrisdóttir úr Fjölni. Hún bætti eigið Íslandsmet í 200m skriðsundi og kom í mark á tímanum 2:01,55 mín.

 

Mótinu var slitið í kvöld með glæsilegu lokahófi þar sem stigahæstu sundmenn og meistarar ÍRB fengu viðurkenningar sínar.

 

Nánar af mótinu í fyrramálið.